ملاك فى رداء الشيطان
اتنهدت بحزن .. تصبح علي خير
مارد هز راسه من غير ما يرد وبعدها قلع قميصه وجزمته ومدد ع السرير ونام
في الصبح
صحيت انجل لقت نفسها مع مارد فضلت تتألم وتتأوه من جرحها لغاية ما صحي هو
مارد فتح عينيه بالعافية لقي انجل صحيت حط أيده بهدوء وحذر ع جرحها وقال ... حاسة بإيه دلوقتي تعبانة
انجل پغضب طفولي ... اوعي انا مخصماك انت شرير زي ماما وعمو حماصة
مارد اتضايق من نفسه اوي في اللحظة دي انجل وقال بصوت كله حنية ... انا اسف
انجل بعند .. واسف دي اصرفها فين أنا بقي
مارد برفعة حاجب .. تصرفيها انتي كمان مش عاجبك أن المارد بيعتزرلك دانا عمري ماعملهتا مع حد قبل كده
انجل ... لا أنا هافضل مخصماك لحد ما تصالحني
مارد كشړ وقال .. واصالحك ازاي بقي يا لمضة
انجل بضحكة طفولية وبتحاول تمثل اللؤم .. توديني الملاهي
مارد بقلة حيلة ... اوعدك يا ستي اني اوديكي الملاهي بس لما تخفي ها صالحتيني
انجل طبعا صالحتك انت أحلي مارد في الدنيا أنا هاقوم البس
مارد ... استني يا بت مش هينفع لما تخفي
انجل قامت بالعافية وكانت تعبانة بس بتقاوح وقالت ... لا ااااه انا خفيت
مارد رفع كتافه بقلة حيلة ... ماشي
اخد شاور ولبس وهي كمان راحت لجميلة لبستها واخدها مارد وخرجوا ع الملاهي
في حتة تانية
اسلام ... هو أنا هفسح بنت اختي يا رغد يا بنتي ارحمي امي
رغد بتوسل ودلع ..عشان خاطري يا ايسو أنا بحب اروح الملاهي
اسلام بقلة حيلة .. ماشي يا ستي اتفضلي قدامي مانا اللي جبته لنفسي ادي أخرة اللي يخطب واحدة عندها طفولة متأخرة انجري !
رغد وهي بتضحك .. طيب ما تزقش
في الملاهي
انجل راكبة الساقية وبتضحك وتشاور ل مارد اللي كان حاطط ايديه في جيوبه ومتابعها بقلق شديد لأنها لسة تعبانة وفجأة داخت ومسكت راسها وكانت هتقع
مارد صړخ ... انجيييييل حاسبي
وبص ع الراجل المتحكم في اللعبة وقاله پغضب چحيمي .. وقف بسرعة
وقفت الساقية ومارد شال انجل وقعدها علي رجله وقال پغضب .. شوفتي عندك وصلنا لفين من دقيقتين كنتي ھتموتي يلا كفاية لحد دلوقتي
انجل بدموع وتعب .. ماشي بس عايزة ايس كريم
مارد بنفاذ صبر .. اوك
اشتري لها ايس كريم وكانوا خارجين قابلوا اسلام
اسلام بدهشة .. مارد مين دي !!
مارد .. دي بنتي
رغد .. بنته
مارد ببرود .. ازيك يا رغد
رغد ... ازيك
مارد مسك ايد انجل وقال وهو ماشي .. نتقابل بالليل واحكيلك ع التفاصيل have fun انت وخطيبتك وابتسم وسابهم ومشي
اسلام بتوهان.. لاحظتي أنه قال بنتي
رغد بتوهان اكبر ... لاحظت أنه أول مرة يقولي ازيك وكمان يا رغد
اسلام ضربها علي راسها .. هو دا كل اللي لفت انتباهك مالفتش انتباهك ازاي واحد عنده
٢٤ سنة يخلف بنت عندها عشر سنين لا وكمان مخبي عليا طول السنين دي كلها داحنا أصحاب من كي جي وان
وبعدين تابع .. انجري قدامي اليوم باين من أوله
عدي اليوم طبيعي جدا بدون أحداث ومارد ماراحش الشغل وفضل جمب انجل لحد ماناموا
في الصبح
مارد صحي وساب انجل نايمة اخد شاور و لبس ونزل عشان يفطر
فطر وبعدها طلب من جميلة تعتني بأنجل لحد ما يرجع م الشغل
جميلة خلصت فطارها وطلعت كانت رايحة اوضة مارد لانجل بس وقفها صوت
... جميلة
جميلة لفت وشها ناحية الصوت وقالت بضيق .. نعم يا عزيز
عزيز قرب همس لها .. أنا هاجيلك انهاردة بالليل استنيني
جميلة بعدت عنه بحزن وقالت .. حاضر يا عزيز وفتحت الباب ودخلت
قضت اليوم كله جمب انجل وهي بتفتكر أول لقاء بينها وبين عزيز
فلاش باك
كانت الدنيا بتمطر والجو بيشتي
بنت عندها ١٥ سنة بتجري في الشوارع وهي لابسة فستان فرح وحافية والكحل سايح علي خدودها
فجأة تكون علي وشك أن عربية تصدمها بس صاحب العربية بيفرمل في آخر لحظة
نزل شاب وسيم جدا حوالي ٣٠ سنة قومها بكل هدوء وذوق
عزيز ... انتي عروسة هربانة صح
جميلة وهي بتترعش من البرد ومن الخۏف .. لا ا قصدي ا ايوا
عزيز بص حواليه لقي الشارع فاضي مافيش ناس قال لها ... اركبي معايا أنا هاوصلك المكان اللي انتي عايزة تروحيه
رفعت وشها بحزن وقالت .. ماعنديش مكان اروحه انا هربانة
من مرات ابويا عايزة تجوزني راجل اد ابويا ومتجوز اتنين غيري عشان الفلوس
عزيز اصلا ما ركزش في ولا كلمة من كلامها كان سرحان بس في جمالها اللي عامل زي لوحة فنية غاية في الروعة
عزيز اتنحنح وقال ... طب تعالي معايا أنا هاسعدك
جميلة ما كانش قدامها حل الا انها تروح مع عزيز قصره وصلوا القصر وقال لمراته فريدة أنه هيحتاج جميلة في شغلهم فريدة وافقت أن جميلة تعيش معاهم مر شهر وعزيز كل يوم حب جميلة بيكبر جواه لحد ما ف يوم فريدة سافرت لوالدتها تركيا
وفي ليلة كانت كلها رعد وبرق ومطر
عزيز اتجرأ ودخل اوضة جميلة وكان سکړان
عزيز قرب من جميلة وهي
