مالا مثل الثالث فكنت فعلت مثلما يفعل فيخسر الدنيا والآخرة
قال الان انتهت الاسئله ان اردت ان تخرج فاعبر النفق وخذ منه ما تحب فان كنت صادقا في اجابة الاسئله فسيشد قلبك وتخرج من هناك انت ومن تحب وان لم تكن كذلك فستظل في تلك المتاهه التي هناك وبالفعل تحركت ناحية النفق ودخلته فلم اجد شيئا مما رأيت وانا في الطريق الي هنا ومشيو فيه قليلا لأجد تلك المرأه والبنت التي معها جالسين في النفق ..
اول ما الست شافتني قالت انا قلقت عليك جدا انت كويس قولت اه كويس وكان اول مره عيني تيجي في عينها حسيت بحاجه اتحركت جوايا من ناحيتها وده كان شعور غريب لانه محصلش قبل كده لقيتها بتقول احنا عشان نخرج من هنا لازم اكون صادقه معاك انا مش متجوزه ولا البنت دي بنتي قولتلها امال انتي مين
قالت انا بنت قابلت شاب معرفهوش وقعت في حبه .. اهلي موافقوش عليه .. اداني ميعاد في حفله في العالمين روحت واخدت معايا اختي واحنا في السكه معاه دخلنا المطعم اللي دخلناك فيه ومن ساعتها واحنا هنا انا واختي وعرفت من هنا ان انا من نصيبك انت وانك انت اللي هتنقذني من هنا وعشان كده جبتك ودخلتك المتاهه وقولت لو خليتك تحبني هكون نجحت ان اخرج من هنا قولتلها انا مش عارف انا جيت هنا ازاي ولا هخرج من هنا ازاي بس انا دلوقتي حاسس اني اعرفك من زمان
قالت .. الاجسام مش بتتقابل في الدنيا لكن الارواح ليها مكان وزمن تاني انا كمان حاسه اني اعرفك من زمان
قولتلها بس انتي ليه كدبتي عليه في الاول قالت يعني كان ينفع اول ما اعرفك اعترف ليك بخطأي وتاخد عني فكره وحشه وعلي العموم انا خلاص عرفت غلطي ومش هعملو تاني ..ممكن اطلب منك طلب ... قولتلها قولي
قالت توافق تتجوزني قولتلها توافقي انتي تتجوزيني قالت طبعا موافقه ايدك بقي علي هدية الجواز قولتلها لكن انا مش معايا اي حاجه تنفع قالت ليه والخاتم فين بحسس علي جيبي لقيته طلعته واول ما طلعته قالت الخاتم ده ادهولي ثور ضخم مجنح وقال لو لبستيه وانتي نيتك سليمه وكلها حب وندمتي علي الخطأ اللي انتي عملتيه هتخرجي من هنا وكنت كل اما البسه ميحصلش حاجه بس علي ما اظن لو انت لبستهولي هيكون في فرق
بالفعل بوستها من دماغها وقعدت ابص في عنيها شويه ردت البنت الصغيره وقالت انتو لسه هتحبو في بعض لبسها الخاتم خلينا نخلص وبالفعل لبستها الخاتم واول ما لبسته لقينا اتفتح امامنا طاقه نور زي الباب كده لقيتها بتقول يلا بينا قولت بس انا ليا شرط لو زعلتيني انا عارف هرجعك هنا ازاي قالت ياعم يلا دخلنا من الباب ولقينا نفسنا خرجنا من الناحيه التانيه ماشيين في وسط سياح كتير جوا ممر ولقيت واحد مصري بيشرح ويقول احنا دلوقتي في قلب الهرم الاكبر واللي بناه الملك خوفو واللي بيقال انه كان احد اعضاء جماعة ايزيس السريه قولتله من فضلك باب الخروج منين رد وقال انتو دخلتو هنا ازاي وانتو مصريين يلا اطلعو بره ولماخرجنا لقيت عربيتي واقفه في جراش والسايس بيقول دي مركونه هنا من فتره اخدتها ومشيت واتجوزت .... النهاية
