وحده تزوجت ولد عمها تاجر غنم /قصه كامله
وحدة تزوجت ولد عمها تاجر غنم وتحكي قصتها وتقول
انا اسمي تهاني حبوبه واحب الحياه واهتم في كل شي
احب الزين واحرص على الترتيب والبس المرتب واهتم بالنظافه
خطبني ولد عمي راعي الغنم !! وافق جميع اهلي عليه وفرحو انه خطبني !! وانا قايلتن لهم مابيه راعي غنم ومايهتم في نفسه كذا مره المحه لبسه مبهدل و شماغه مهوب نظيف
المهم ما اطول عليكم استخرت الله وتزوجته
ليلة الډخله اول ماشفته
وشذا الزين وشذا الزين فيه
من الخقه بغيت اتغطى عنه يمه يازينه وزين طلته
بعد ماخلص شهرنا !! رجع لغنمه وعدم الاهتمام في نفسه
وشماغ يربط فيها راسه
مايحلق شعر راسه ولا وجهه رجع حالته حاله مثل قبل اخذه يخوف !!
صرت احاول معه واوريه صورنا ايام العرس
وانه شحلوه يهبل ومن هالكلام !!
صح هو مو مقصر علي في شي بس مقرفني موضوع الغنم هذا ،،
تعبت منه ورحت لاهلي وانا زعلانه منه وجلست اسبوع زعلانه جا للبيت وقال امشي معي ومالك الا الي يرضيك
رحت معه وماراح بي للبيت طلع فيني بر
الا وحاطلي شبك غنم وقال هذي لك رضاوتك وقعد يعلمني شغلته طبعا معطيني خمسين راس من الغنم بعد سبعه شهور الخمسين صارن حدود الثمانين ولدن بناتي الغنمات وبعت نصها
زوجي كان مخصص لي الفين مصروف شهري الحين احلف ماخذ منه شي
الحين كل عطور باريس ماتسوى ريحة الغنم عند الفجر
ولا ارتاح الا لافيت شيلتي على راسي وحلبت بناتي الغنمات
وصرت تاااجره وابيع سمن واقط والخير وااجد
الحين قاعده الح عليه يحط لنا خيمه في البر نسكن فيها ونصير الشيخ والشيخه ابي اقابل غنمي مابيها تفارق عيوني
وندمت في كل لحظه كنت ازعل فيها عشان الغنم
