خادمة قلبي بقلم زهرة عصام
وليد: أمانة اية وتاخدي اية انتي هبلة شكلك كدا
منه زقتة ودخلت وهي بتقول: اهدي على نفسك شوية يا شبح فين بقي اللي إسمها ريا
وليد: اه انتي عاوزه انثي البغبغاء طب مش تقولي من الأول وبعدين هي تعرف الأشكال اللي زيك منين افهم بس
منه: اممم أشكالي حلو غلطت وانا كنت مستنية دبانة جمبي تغلط تعال بقي يا شبح المنطقة وفي لحظة نطت عليه تشده من شعرة وتضرب فية
وليد: والله ما عاوز أمد ايدي عليكي سيبي يا بت بقولك
منه: لا مد كدا ووريني نفسك اظبط يلا دا انا اجيبك نصين دلوقتي
وليد: واحدة سوقية تربية حواري ابعدي عني يا بت
منه نزلت وقفت قدامة وقالت بتريث: بتقول ايه يخويا سمعني تاني كدا سوقية وتربية حواري طب تعال بقي يا تربية الناس الأغنية وضربته بركبتها تحت الحزام
وليد وهو تاني نسفة: اااه ضيعتي مستقبلي
منه: مش أنا يا شبح اللي اسكت لما احس شوف مجرد إحساس إن حد هايهيني
حازم خرج يشوف في اية لقي وليد تاني نفسة وبيتالم ومنه واقفة تنفخ في ضوافرها
حازم: هو أي اللي بيحصل هنا انتي مين واية اللى عملتية في أخويا دا اتفضلي اطلعي بره
وليد: هو اللي ربنا قدرك علية دا بدل ما تاخدها قلمين
منه بصت ليهم بحاجب مرفوع وقالت يتهكم: طب يبقي يقرب ناحيتي كدا وشوف هيجرالة اية
حازم اتهز من جواه لكن مبينش وقف قدامها وقال: هتعملي اية يعني
منه قربت منه وبرقت وقالت: هعمل كتير يا برنس تحب تشوف
حازم قال: ومالو نشوف
منه اديته بوكس وقعته على الأرض وحازم اتفاجئ بيها بصت لقت ريا واقفة تتفرج عليهم بصت الناحية التانية لقت حازم ووليد علي الأرض شمرت ايديها وقالت: استعنا على الشقا بالله قربت من ريا بالراحة وفجأة مسكتها من شعرها وجرتها وراها
ريا: انتي يا متخلفة سيبي شعري اية اللى بتعملية دا
منه شهقت بصد@مة مصطنعة وقالت: بقي أنا متخلفة يا ولية طب تخلف بتخلف بقي كعبليتها وقعتها على الأرض وقعدت فوقها وهي بتقول: بقي تزعلي البت اللي حيلتي وعوزاني اسكت
الحارة تقول علينا اية نخينا ومش عارفين ناخد حقنا اصحي يا حيليتها دا إحنا اللي ممشين الحارة على واحده ونص
ملك دخلت واتفاجئت من الوضع وبصت لقت منه على ريا بتاخد بطارها وبصت لـ حازم اللي وشه احمر من البوكس ووليد اللي لسة بيتالم مالك دخل وراها وشافهم وقال بصد@مة***
يتبع
خادمة قلبي ٢٩
مالك دخل وراها وشافهم وقال بصد@مة: عملتي فيهم اية يا قادرة اية يا رب العيلة دي
منه قامت من على ريا وبصت لـ مالك وقالت: ومالها العيلة بقي يا حبيبي ملك وقفت جمب منه وشمرت اديها ومستنية مالك يتكلم
مالك: اية يا بنات دا انا حتى بهزر دي العيلة كلها قمرات أصلا وخصوصًا منال
ملك: برافوا ملوكي لحقت نفسك
منه ضربتها على قفاها خلتها طلعت قدام خطوتين وهي بتقول: قولنا نبطل محن بقي
و بصت لـ مالك وقالت: أنت تعرف العيال دي وشاورت على وليد وحازم
وليد: عيال مين اللهي تتشكي في رجلك يا بعيدة اكرشها يا مالك أنا كنا قادرين على واحده جايب لينا التانية ؟
مالك: مقدرش يا قلب اخوك كدا جوازتي هتبوظ
ملك: أهي شوية يا كنافة بالمنجة دي اختي
منه بصت بسرعة لـ وليد وقالت في سرها: كنافة بالمنجة وكملت بصوت عالي خاطشيبي وجريت عليه
وليد: ابعدي عني بدل ما اديكي بوكس ميعرفوش ملامحك منها
منه بعيون بطلع قلوب: ومالة ضرب الحبيب زي أكل الزبيب
وليد زقها وقعها على الأرض وهو بيقول: حبك برص يا بعيدة امشي من خلقتي أنا مش طايقك أصلًا
منه بصد@مة: أنت قد الحركة اللي عملتها دي بس مش مهم هسامحك عشان تطلع حلو في صور الخطوبة
وليد بص لـ مالك سنجده منه ومالك بص للسقف وصفر وهو بيقول: من أعمالكم سِلط عليكم
منه وقفت وهي بتنفض ايديها وحطت ايد على رأسها وهي بتقول: مش عارفه لية حاسة إني ناسية حاجة بصت على ريا ملقتهاش بصت على اوضيتها لقتها بتتسحب لـ هناك وهتقفل الباب
منه: وأنا بقول ناسية اية حلال الله أكبر وجريت لحقتها قبل ما تقفل الباب وجرجرتها من شعرها وقالت: تعالي يا صفرا أنا لسة مخلصتش
ريا: مالك الحقني
ملك زقت مالك على جنب وقالت: على جنب انت معلش يا ملوكي وجريت على ريا كعبلتها وقعدت فوقها ومنه ماسكة شعرها بتشد شعراية شعراية تقطعها
وليد وقف جمب مالك وقال: تفتكر هتطلع عايشة
مالك: انا مفتكرش أي حاجه خالص دول اتنين يا ابني وبص على حازم اللي نام على الأرض وقال: صحي الزفت دا ودا وقت نوم
وليد زق حازم برجلة وحازم اتخض وقال: اية البيت بيقع وسمع صوت صراخ ريا وقف جمب اخواته وبص لـ منه بشر وحاب كوباية ماية حدفها عليها وهو بيقول: كدا خالصين
منه بصتله بشر ونطت عليه وهي بتقول: أنت قد الحركة دي طب تعال بقي
وليد جري وشال منه من علية وهو بيقول: ركزي في ناحية واحدة
منه بصتله بمحن وقالت: يا كنافة بالمنجة يا عسل انت هتخطبني امتي
وليد سألها وقعت على الأرض وهو بيقول: هي يا إما هبلة يا إما هبلة.
منه: قامت وهي ماسكة ظهرها وقالت: ماشي يا كنافة بالمنجة ماشي
بعد ساعة كانت وش ريا عبارة عن كدمات من اللونين الأحمر والأزرق وملك وندي بينهجوا من كتر الضر.ب
مالك: خدتي حقك يا معلمة
ملك هزت راسها وقالت: ايوة يا حليوة روحنا بقي بدل ما تلاقي منال ناطة هنا
مالك أخد ملك ومنه روحهم ووليد دخل اوضتة يستريح وبمجرد ما غمض عينه شاف صورة منه فتح بسرعة وقال: يلهوي حتي في أحلامي يا بنت الصر'مة انتي
------ اذكروا الله
ملك: أعمل حسابك تتجوزتي بسرعة وتاخدني من هنا بدل والله اسيب عليك منال.
مالك: إن كان عليا عاوز أخدك من دلوقتي أصلًا
منه وملك طلعوا ومنال قاعدة مستنياهم وجنبها ايد المقشة
أول ما شافتهم جريت عليهم وهي بتقول هي دي اللي ساعة يا بنت الصر'مة إنتي وهي
ملك ومنه جريوا دخلوا الاوضة وقفلوا على نفسهم وهنا بيقولوا نفدنا
منال: وهو انتوا كدا هربتوا مني صبركوا عليا انتوا الاتنين
----- اذكروا الله
تاني يوم مالك قال لاخواتة أنهم هيزورا ملك وعيلتهم وليد فرح أوي ومش عارف سبب وجهز نفسة وإلا كانه
العريس
بص لـ نفسة في المرايا وقال: عسل ياض يا وليد هيقعوا كلهم في حبك كان كل تركيزة في منه وقال: انتي عملتي فيا أية مشوفتكيش غير مرة واحدة بس اية شغلتي تفكيري يا بنت اللظينة
كلهم راحوا زيارة ليهم ومنال استقبلتهم بصت لـ حازم قوي وقالت: انت ملك يا عين أمك ضعفان كدا لية هما مش بياكلوك وإلا اية واية اللى أحمر اللي فعوشك دا
حازم كان لسة هيقول بس منه شاورتله على رقبتها فقال: خبط في عمود بعيد عنك
منال: خد بالك يا حبيبي وانت ماشي
وليد قاعد وبيبص لـ منه من تحت لتحت اللي واخدة بالها بس تقلانة ومبصتش لية ولا مره
وليد في نفسه: مالها دي وكمل القاعدة بملل عشان كان كلامها قليل هي متكلمتش أصلا
منه: أحسن حاجة اتقل علية كدا وهتقل اكتر لحد ما تيجي يا كنافة بالمنجة تعترف بحبك ليا وكملت بهيام هيييح دا انا حبيتك من اسمك هكتب في كارت الفرح الانسة لوح قلب الكنافة بالمنجا
مالك وعيلتة روحوا
فات شهر ومالك وملك بيجهزوا لـ فرحهم ووليد بيحاول يكلم منه بس هي تقلانة عليه لحد ما في يوم راح ليها الحارة وكانت بتجيب حاجة من المحل وطالعة
وليد: بقولك اية يا عسلية عاوزين نيجي نشرب شاي مع منولة
منه فرحت من جواها بس مبينتش وقالت:- معنديناش شاي
وليد: ومالوا يا عسلية نجيب الشاي واحنا جايين قولي لـ منولة إحنا جايين بليل
وليد جري على مالك عرفة وأخده هو ووليد ونزل اشتري باكتت شاي وطلعوا على بيت ملك
ملك لـ مالك بهمس: جايين تخطبوا اختي بـ باكتت شاي يا مالك لية حد كان قال ليكم إن إحنا عيلة كييفه
مالك: انا معرفش لية وليد وقف جابها بس قال هنحتاجها معندهمش شاي
منال: خير يا مالك إحنا بنام بدري وعندنا ترتيبات الفرح مش كدا
مالك بحرج وضرب وليد في دراعة علشان يتكلم
وليد: احم احم بصي يا منولة إحنا جايين النهارده نطلب ايد منه ليا وايدها باكتت الشاي وقال: وأدي الشاي اللي هنشربة
منه كتمت ضحكتها جواها وفرحانة جدا من قرار وليد وأنه دخل البيت من بابه
منال بصت لـ منه لقتها فرحة فقالت:- أنا موافقة يا وليد
وليد: طلب أخير بقي عاوز فرحنا يبقي مع مالك وملك.
منال اعترضت لكن من كتر الضغط عليها وافقت على الفرح
----- اذكروا الله
و أخيرًا جه يوم الفرح والكل كان مبسوط جدا أهل الحارة اللي على الرغم من أنهم مسببين المشاكل فيها إلا أنهم بيحبوهم وفرحوا ليهم جدا مالك اللي أخيرا اتجوز ملك ووليد اللي مهيبر على الأخر
ملك اللي مش قادره تسيطر على فرحتها ومنه اللي مهيبرة مع وليد ونازلة رقص
ملك اخدتها وهمست في ودنها متنسيش اللي اتفقنا عليه النهارده يا منه
منه: ابدا دا أنا متحمسة لية جدا
الفرح خلص وسط فرحة الكل ومنال اللي بتعيط
ملك: بتعيطي لية يا ماما دا بكره الصبح هناخدك معانا على الفيلا
منال: ابعد عنكم يوم واحد مش مصدقه نفسي
منه: خلاص بقي لحسن هعيط انا كمان
سكتوا منال بالعافية وحازم روحها ورجع الفيلا لوحده وهو مبسوط وبيقول: اليوم خمر ونساء والبيت هيبقي فاضي
مالك أخد ملك وطلعوا جناحهم في الاوتيل
و وليد أخد منه وطلعوا جناحهم في الاوتيل
ملك ومنه قالوا لـ مالك ووليد أنهم هيغيروا
عند مالك
قاعد متوتر جدا ومستنيها تخرج
مالك: هي اتاخرت كدا لية ونادي عليها
مالك: ملك يا ملك
ملك خرجت وهي لابسة عباية رجالي ونفس استايل جميلة
ملك: نعمين يا سعادة البيه الحليوة
مالك فتح بوقه من الصد@مة وبعد ما استوعب ضحك وحضنها وقال: قلب سعادة البيه الحليوة انتي ملكتي قلبي من أول يوم دخلتي فيه مكتبي
".. كُنت تعملي لدي خادمة ولكن حينما عشقتك اسميتكِ خادمة قلبي.. "
عند وليد
قاعد مستني منه مسك مذكرته وكتب
"... امتلكتي الفؤاد منذ أول لقاء.. ازداد عشقك داخلي يومًا بعد يوم.. واليوم اصبحتي على أسمي فهنيئًا لي بكِ وهنيئا لكِ بي معشوقتي..."
وليد: اية يا منه بتخترعي الذرة جوه
منه خرجت وكانت نسخة من ملك
منه: نعم يا سعادة البيه كنافة بالمنجة طلبتني يخويا
وليد اتصدم من منظرها وقال بصراخ: جميلة تاني لااااااااا
كان بودي أقول يتبع لكن لكل بداية نهاية فتوكم بعافية
تــمــت بــحــمــد الــــه
الـــنـــهـــايـــة
