خادمة قلبي بقلم زهرة عصام
حازم: لا يا عم انت متنضمينش خليك مكانك أحسن
مالك بعقل: بص يا حازم مش أي حد يقولك على حاجة تبقي صح مش لازم تمشي ورا كلام حد لازم يكون ليك شخصية وتفرضها على الكل
حازم هز رأسه وقال: حاضر يا مالك
مالك: الله يخربيت مالك على بيت اليوم اللي بقيتم فئة أخواتي بصلي كدا وقول أنا حازم وأنا واثق في نفسي
حازم: أنا حازم وأنا ماسك نفسي عشان معيطش
مالك بصله بقرف وفتح الباب وقال: اختفي من قدامي فورًا
حازم جري على اوضتة ومالك خرج بص لـ ملك بطرف عينه وقال: تعالي ورايا اما نشوف اخرتها
مالك مشي وملك متنحة وأخيرًا استوعبت بدت تتحرك وراه لكن حصت حاجة خليتها تقف مكانها وتجز على سنانها
مالك كان داخل اوضتة ريا جت حضنته وقالت بمياعة: كدا يا مالك كدا تضربني معاهم شوف الضربة علمت إزاي وبترفع فستتها
مالك اتصدم من تصرفها وكان لسة هيبعد لقي ملك جبتها من شعرها
ملك: انتي مش هتهدي غير لما اشيلك الشعرتين الباقين تعاليلي يا حليتها وقعتها على الأرض وقعدت فوقها
ملك: وريني بقي العلامة كدا هحطلك عليها مرهم
ريا بتصرخ تحت ايد ملك ومالك واقف متنح وفرحان من جواه على غيريتها
ريا: يا متوحشة سبيني بقي انتي بتعملي اية والله هحبسك
ملك بغيظ: تحبسيني انا طب تعالي وخلية بدل المحضر اتنين
وليد وحازم جم على صوت صراخ ريا
وليد: ايش هذا هي المباراة بدأت فاتني جون مهم الإعادة امتي يا جميلة
ملك بشر: دلوقتي حالا اقعد كمل الماتش على ما اخلص الشعرتنين دول ونعيد من الأول أنا مش ورايا حاجة انت وراك
وليد: حتي لو ورايا نفضالك يا بشا
حازم جايب فشار وتسالي وحطهم على الترابيزة قدامة وبيتفرج
ملك: هات شوية فشار يا سعادة البيه كريم شانتيه
حازم مسك الطبق وحضنة وقال: ابدا دا بتاعي لواحدي
ملك ضربت ريا قلم وقالت: كدا يا سعادة البيه كريم شانتيه مش هتديني دا أنا هعمل توترتة كمان شوية
حازم بتفكير: لأ أنا عامل دايت مش هقدر أكل توترته وبرضوا مش هديكي فشار
ملك: كدا طييب ونزلت ضرب وعض في ريا وهي يتقول كنت عاوزه توريلة اية اه الضربة بقي مش عاوز تديني الفشار طب خدي
ريا: اديها الفشار انا ذنبي اية انضرب ليا وليك
حازم: لا هي جميلة لما بتزعل بتحب تفش غلها في أي حاجة قدمها وانتي للأسف اللي قدامها استحملي بقي يا ريري
ملك: وكمان ريري يعني مفيش فشار وبتقول يا ريري خدي ومسكت شعرها وبقت تشدها منه
ريا: ااااه شعري سبيه يا متخلفة هتخلعية في إيدك
ملك بانشكاح: طب يا ريت مش أنت عاوز الشعرتنين الصفر دول يا سعادة البيه كنافة بالمنجة
وليد: براحتك يا كبيرة عاوزه تجبية هاتية محدش هيقف في طريقك
مالك كان بيضحك جامد عليهم وعلى أنهم بيسايروها في كل حاجه
حازم: كيدا العزال انا من يومي الله أكبر عليك يا شبح المنطقة
مالك كتم ضحكته بصعوبة وشال ملك من على ريا من ظهرها
ملك بترفص عاوزة تنزل
ملك: يا سعادة البيه الحليوة سبني لسة الشعرتنين مخلصوش
مالك: انتي بتقطفي ملوخية اتهدي بقي يا بت
مالك خلي وشها ليه وبصلها أوي وملك نفخت خدودها وسكتت
ريا قامت بغل وجريت على ملك عاوزة تضربها مالك في لحظة كان حضنها وشدها بعيد
ريا من سرعتها خبطت في الخيطة بصت لية وقالت بضحكة: يا صاحب القلب الطيب يا عم شكشك وأغمي عليها
ملك بصت لـ مالك بهيام وقالت: أحبك يا منقذي عليا الطلاق
مالك برق ليها جامد
ملك استوعبت اللي قالتة مالك خدها من ايدها على اوضتة وقالت لـ وليد فوقها
وليد بتسقيف: الله يسهلوا يا عم
حازم قاعد مش فاهم حاجة لكنه كان بياكل فشار بتتكبير دماغ لأنه مقتنع بجملة مهمه حاططتها مبدأ في حياتة " لا تتدخل في ما لا يعنيك "
مالك دخل الاوضة وقفل الباب بصلها جامد وملك رجعت يظهرها على الباب وقالت بخوف مصطنع: ايية
مالك: يعني انتي بتقولي بحبك كدا قدام الكل
ملك: إن شالله اتص في نظر ريا ما كان قصدي انت فهمت غلط
مالك قرب منها وباسها برومانسية وقال: كلمة بحبك بتتقال كدا
ملك بصتلة وعيونها لمعت وسرحت في عيونه
مالك قرب منها تاني وقال: انا بحبك وخلاص معنتش قادر أعيش من غيرك وباسها تاني
ملك بتوهان: كفاية
مالك: كفاية اية
ملك: كفاية بوس يخويا مقتحنهاش مبوسة إحنا
مالك: الله يخربيت رومانسيتك يا شيخة فضيلة
ملك ضحكت من قلبها مالك مسك ايديها وباسها وقال: تعالي نشوف الحوش اللي بره دول فوقوا البت وإلا لسة
ملك هزت راسها وهي بتضحك ميك ايديها وخرج اتصدم من المنظر
مالك: ينهار منيل بستين نيلة
يتبع....
خادمة قلبي ٢١
مالك: ينهار منيل بستين نيلة اية اللى انتوا عاملينه دا
ملك بصت ليهم وقالت بضحك: ميه ميه يا شباب استمروا
وليد بغمرة: عشان تعرفي يا كبيرة إننا هناخد حقك حتي لو مالك اخدك يحكلك قطره قاله وهو بيحط اللييب في بوقة وبيقزقز
ملك انكسفت أوي واستخبت ورا مالك
مالك بص لـ وليد بتحزير ووليد رفع ايده وهو بيقول: الله هو انا عملت حاجه يا جدع
مالك قال بصوت واطي لـ ملك تدخل اوضيتها وملك ما صدقت جريت على الاوضة
مالك بصلهم وبص لـ ريا وقال: انا مش قولتلك تفوقهوها
حازم: مهي قدامك اهي يا مالك حلوه وزي الفول لا والنيولوك بتاع شعرها تحفة أنا لازم اتصور سيلفي معاها
مالك: نيولوك يا شوية غجر وبص على ريا المرمية على الأرض تحت رجليهم وشعرها ووشها مليان قشر لييب
وليد وهو بيتف قشر الليب على وش ريا: مالك متعصب كدا ليه تكونش من بقيت عيلتك يا راجل دي حتي عاملة مشاكل مع جميلة
مالك بحاجب مرفوع: هي برضوا اللي عامله مشاكل مع جميلة
حازم: طبعا هو في زي جميلة أدب أخلاق محدش بيسمعلها صوت كل اللي بتقوله حاضر ونعم بس وكمل بصوت واطي ربنا يسامحني على الكدب دا
وليد: وإلا الميكب بتاعها تحفة تحفة وشعرها اللي شكل ارسل التلفزيون دا بيظبط الإرسال والله هو في زي جميلة وأكل جميلة وافتكر الكرشة وحط ايده على بوقة وقال: هو فعلًا مفيش في أكل جميلة
ملك من وراهم بصوت واطي: دا انتوا هتدخلوا جهنم بطيارة عليا الطلاق
وليد: اية يا بسبوسه بالقشطه مش بسيطك قدام الحليوة وإلا عاوزاه يروح للـبرص دي
ملك: تفتكروا
وليد وحازم هزوا رأسهم بايجاب ملك وقفت مرة واحدة وقالت بدموع وهمية: دايما مظلومه والله العظيم انتوا يا عالم يا مفترية طب من غيري من هيغسلكم الهدوم
وليد بصلها بص عين وملك قالت: اينعم بحطها في الغسالة الاتوماتيك وتتغسل لوحدها بس برضوا بتعب طب مين يغسلكم المواعين
وليد ضيق عينه اكتر ملك بلعت ريقها وقالت: اينعم سعادة البيه كنافة بالمنجة هو اللي بيغسلها بس برضوا لوليا مكنش عمل كدا
ملك لسه هتكمل وصلت الندب يتاعتها مالك بصلها وقال: مش عاوزه اسمع ولا كلمة انتي فاهمة انا مش قولتلك تدخلي اوضتك بتخريج منها لية دلوقتي أفهم
ملك بخبث: نسيت افوق المرحومة
مالك لسة هيتكلم ملك بصتله بتحذير وقالت: طلاق تلاتة محد مفوقها غيري وجابت كوباية ماية ودلقتها مره واحده عليها
ريا فاقت وهي بتشق وتقول:. اية دا الجو بيمطر وإلا اية
ملك: ايوه الحقي ادخلي بقي بدل ما يقلب على تلج في القفا
ريا بصت ليها وجريت على اوضيتها وهي بتتوعد ليها
ريا بغل: اما خرجت من البيت دا بفضيحة مبقاش انا ريا يا جميلة الكلب
ملك كانت ماسكة الشبشب في اديها عشان تهدد بيه ريا لو عاندت معاها ورمت على الأرض وهي يتقول: قطيعة محدش بياكلها بالساهل وبصت عليهم وقالت بقرف: خسئتم كلكم ها ومشيت وهي بتدبدب في الأرض
مالك ضحك على منظرها وبصلها بحب ودخل اوضته
تاني يوم كان الجمعة كلهم صحيوا فطروا وقاعديين بملل
وليد: اية الملل دا ما تيجوا نلعب
حازم سقف وقال: صراحة وتحدي تاني ملك أول ما سمعتهم جريت على الأرض قعدت وربعت
كلهم قعدوا جمبها وليد لف الازازة جت عند حازم يسال ريا
حازم بتلقائية: قولتي جاية عشان سياحة اومال قاعدة في البيت أربعة وعشرين ساعة ليه
ريا اتحرجت من السؤال وقالت: معرفش حاجة هنا عشان اروحها فهستني مالك يفضي ويوديني
ملك بهمس سمعوه: إلهي يبلعك ابو الهول ونخلص منك بقي لحسن الواحد جاب جاز
وليد وحازم كتموا ضحكهم ومالك ابتسم على تلقائيتها
حازم لف الازازة جت ريا تسال ملك
ريا بخبث دا انتي جتيلي في ملعبي أوي يعني
ريا بصت لـ ملك وقالت: انتي ليه حاطة الميكب الزبالة دا على وشك سوري يعني بس كلمة زبالة قليلة علية بس عندك حق اهو تداري بيه شوية طلتك المقرفة
ملك بغيظ وردح: بقي طلتي مقرفة يا اللي صرصار المجاري انضف منك يا بت دا انتي خضرا زي الملوخية المعفنة بالظبط حتت جيبنه قديمة اتهرت من كتر الدود اصماللة على طلتك يختي دا انتي من غير شوية البوهية اللي في وشك دول ولا حد كان عبرك دا انتي ميته سبع مرات قبل كدا يا بت
يلا يا خلة سنان مكسورة دا انتي اللي يصطبح بوشك يا بت يتقل يومه
حازم: كاااات هايل يا فنانة هاتيها من شعرها بقي أصل في شعراية كدا هموت وأخودها
ريا: هي مين دي اللي معفنة يا بيئه انتي طب أنا هتحداكي تشيلي البيلياتشوا اللي في وشك دا عشان يبان وشك الحقيقي والكل يعرف شكلك اللي يخوف
ملك بسخرية ما بلاش يا شكارة الاسمنت انتي لحسن تتصدمي تاني وقلدتها يا صاحب القلب الطيب يا عم شكشك
وليد نام على الأرض من كتر الضحك وقال: يا واثق من نفسك انت
ملك بكبرياء: اومال يا سعادة البيه كنافة بالمنجة أنا جميلة وأنا ماسكة في نفسي عنها بالعافية بصت لـ مالك اللي غمزلها من غير ما حد ياخد باله وهي اتكسفت
ريا بغيظ: طب انا أهو ريا بتحداكي يا جميلة تعملي اللي قولت عليه ملك بصت بعونها لـ مالك تستأذن هز رأسه براحة من غير ما حد ياخد باله
ملك بابتسامة عريضة: طب يا تنين مهاجر قبلت التحدي بس بشرط
ريا: اية هو ؟!
ملك: هتقفي على رجل واحدة وممنوع تبديليها ووشك للحيطة وايدك مرفوعة لفوق ولو اتحركتي مجرد حركة بس الساعة هتتعاد من الأول
ريا من غير تفكير: موافقة طبعًا
ملك مشيت وهي على وشها ابتسامة ثقة دخلت اوضيتها وقفلت الباب
وليد لـ مالك بهمس: تفتكر هتعملها
مالك: هتعملها دي جميلة يا ابني تتوقع منها أي حاجة دي مطرقة أصلا
وليد: حصل حقيقي حصل ما لنا إلا الصبر يا ام عبير
ملك في الاوضة طلعت فستان شيك جدا مش ديق ومش واسع خليط بين اللونين الأبيض والأسود ليبسته ورفعت شعرها فوق بتوكة ونزلت خصلات منه
جابت قطنة ومسحكت الميكيب بالمزيل وبصت لـ نفسها بثقة في المراية وقالت: قمر اربعتاشر يولاد والله العظيم وبعتت لنفسها بوسة في المرايا ليست صندل بكعب ووقفت عند الباب حطت ايديها على الاوكرة وخدت نفس وخرجت وهي بتفتح الباب
الكل بره قاعد مستني على نار والهدوء كان سائد في المكان
مالك اللي مش عارف رد فعله هيكون اية وحازم اللي مش متخيلها غير جميلة أما وليد فكان بيضحك بخبث على منظرهم وهو متأكد من شكل ملك لانه شافها قبل كدا في الصور مع مالك
ريا اللي قاعدة بثقة ومستنية ملك تخرج عشان تتريق عليها
الكل انتبه لتكت الباب وهو بيفتح وصوت الكعب وهو بيدب في الأرض ملك بدأت تظهر ليهم وكل ما تقرب الصورة توضح ليهم لحد ما وصلت قدامهم
هدددوء عم المكان لدرجة إن صوت الذباب وهو بيطير كان واضح ليهم
كلهم وقفوا بصد@مة مره واحده ومش مصدقين إن دي جميلة
مالك همس: مهلكة وكمل بعد ما بصلها جامد وخلاها تنكسف
" آه يا مُعذبة القلب ما أعذبكي.. وددت لو أزحت تلك العيون عنك وأدخلتك بين أضلعي إلي الأبد "
ملك واقفة مكسوفة من نظراتهم ليها وأخيرًا وليد اتكلم هو مكنش متخيلها بالحلاوة دي
وليد: بتهزروا يا جم١عة فين جميلة بص وراها وقال: انتوا بدلتوها وإلا اية
ملك ضحكت من غير صوت وبصت لـ مالك اللي هيمان فيها على الأخر
ريا اللي مكنتش متوقعاها بالحلاوة دي دي من غير ميكياج وجميلة جدا بصتلها وبصت لنفسها وبدأت الغيرة تدخل قلبها
حازم اللي أخيرًا نطق: مين المزة بصلها وقال يا مساء الأناناس على عيون أجمل الناس ممكن النمبر بس عشان اشيلك من عيلتي اللي جاية عليا جامد دي
مالك بص لـ حازم بغضب وراح ضربة على قفاه خلاه يطلع لقدام شوية وقال يغضب....
يتبع
خادمة قلبي ٢٢
حازم اللي أخيرًا نطق: مين المزة بصلها وقال يا مساء الأناناس على عيون أجمل الناس ممكن النمبر بس عشان اشيلك من عيلتي اللي جاية عليا جامد دي
